Galicia dispón dunha produción agroalimentaria recoñecida internacionalmente pola súa singularidade e distinción de calidade. Ademais, hoxe en día, o sector está a experimentar unha evolución profunda cara unha agricultura moderna e activa que permita potenciar a capacidade produtiva do agro, sobre a base da súa calidade e a sostibilidade.

Os cultivos agrícolas de maior extensión son os de plantas forraxeiras, xunto cos prados e pasteiros polo xeral adicados á alimentación animal. Outros cultivos extensivos de importancia son o viñedo, a pataca e produtos hortícolas.

Pero o sector agrario galego caracterízase por unha marcada especialización gandeira (2/3 da producción agraria) cun reforzamento da produción láctea donde destacan ganderías de maior dimensión e viabilidade grazas a fortes investimentos en innovación e certa especialización nas ramas cárnicas de bovino e aves.

É patente tamén a existencia de grandes grupos industriais dentro da cadea agrogandeira que promoven a modernización e competitividade do sector, así coma unha ampla diversidade de produtos vinculados a unha denominación de orixe de gran calidade que incrementan a excelencia e a competitividade dos nosos produtos. Proba disto é que Galicia conta con 19 selos de calidade.

A maior parte do fluxo comercial está dirixido ao resto de España, intercambiando co estranxeiro aproximadamente o 20% da producción agrogandeira. O saldo é moi positivo nos produtos gandeiros sen transformar (gando vivo e leite cru) e nos lácteos.