Os servizos profesionais, científicos e técnicos orientados á empresa en Galicia constitúen un sector especialmente dinámico que agrupa actividades de todo tipo e cunha clara expansión nas economías desenvolvidas en xeral por ser actividades comunmente externalizadas polas empresas na procura de maior especialización e eficiencia.

Estes servizos prestados ás empresas teñen un peso específico na economía galega aportando sobre o 10% do VEB do sector servizos e nos últimos anos foi o subsector que máis emprego creou xunto coa construcción, cun aumento entre 2000 e 2006 superior ó 50% representando máis do 11% do emprego dentro do sector servizos para o ano 2007.

Cabe destacar tamén que case un 70% das empresas deste sector está composto por persoas físicas, e dicir, profesionais con actividades orientadas ao mundo empresarial con grandes niveis de formación como poden requirir as enxeñerías, consultorías ou a arquitectura ata niveis de formación máis básicos como son as actividades de limpeza e actividades diversas.