Dentro das industrias extractivas podemos distinguir dous tipos de actividades:

• extracción de produtos enerxéticos
• extracción doutros minerais agás produtos enerxéticos

En canto á primeira atopamos en Galicia dous xacementos de lignito, en Meirama (Cerceda) e As Pontes que viñeron fornecendo ás centrais térmicas dos mesmos municipios.
O peche dos xacementos é inminente debido ao seu esgotamento.

Caso ben diferente é o da extracción de minerais non metálicos nin enerxéticos que contaba en 2006 con 6378 persoas afiliadas na Seguridade Social dun total de 440 empresas adicadas basicamente á extracción de pedra (73%), granito e lousa basicamente, e extracción de areas e arxilas (25%) que aportan aproximadamente o 0,5% do PIB galego.