A industria manufactureira en Galicia móstrase coma unha das actividades produtivas máis dinámicas e de maior expansión da economía galega, onde as súas case 16.000 empresas presentaron un crecemento da produción do 8% para o ano 2006.

Presenta un peso específico na economía entorno ao 13,5% do PIB e ocupa aproximadamente o 18% do persoal asalariado galego.

Moitas destas industrias manufactureiras teñen un carácter estratéxico na economía galega, como poden ser a automoción, téxtil-confección, alimentación, naval, metalurxia, madeira ou rochas ornamentais, polo peso das súas magnitudes tanto en produción ou emprego como pola presencia internacional que acadaron nos últimos anos.

Cabe dicir tamén que se trata dun sector vertebrado en torno a clústers e asociacións de gran importancia dentro do desenvolvemento industrial galego e con importantes estruturas adicadas á investigación, desenvolvemento e innovación tecnolóxicas.