Máis de 100 empresas españolas participarán en Expopyme 2009
Cabe destacar que durante as xornadas os participantes poderán visitar unha ampla zona comercial de empresas líderes en produtos e servizos para pemes
Máis de 100 empresas participarán en charlas, mesas de debate, conferencias, exposicións e unha feira de produtos e servizos especialmente dirixidos ás pemes durante os días 18 e 19 de novembro en Expopyme 09, que este ano se celebra no Palacio de Congresos de Pamplona.
Unha das principais novidades desta edición será o “Cubo de Experiencias”, unha enorme gaiola de metacrilato situada no hall de entrada na que os participantes terán a oportunidade de ofrecer os seus servizos en relatorios de 15 minutos. Ademais, paralelamente celebraranse outro tipo de actividades dirixidas a empresarios, como a presentación do programa Madrid Network e as conferencias “Como iniciarse na exportación? impartida polo ICEX”, “O reto de Internet para as pemes”, impartida polo Banco Sabadell, e “Como incrementar a produtividade e a rendibilidade a través das NTIC”, a cargo de Rede.é.
Para rematar, cabe destacar que durante as xornadas os participantes poderán visitar unha ampla zona comercial de empresas líderes en produtos e servizos para pemes, que van desde sectores como a banca, os seguros e a enerxía, ata a telefonía e informática.
